वीरगञ्ज ७ श्रावन । कोरोना भाइरस सङ्क्रमण (कोभिड-१९) देखिएका एक वृद्धको वीपी कोइराला स्वास्थ्य विज्ञान प्रतिष्ठान धरानमा ज्यान गएको छ ।महोत्तरी गाउँपालिका-३ का ६० वर्षीय व्यक्तिको ज्यान गएको हो ।
गएको साउन १ गते प्रतिष्ठानको कोभिड अस्पतालको आइसोलेशन वार्डमा भर्ना भएका उनको मंगलबार राति ज्यान गएको प्रतिष्ठानको मेडिसिन विभागका प्रमुख प्रा.डा. सञ्जिवकुमार शर्माले बताउनु भएको छ ।
प्रतिष्ठान भर्ना भएका मृतकको पीसीआर रिपोर्टमा कोरोना पोजिटिभ देखिएको डा.शर्माले जानकारी दिनुभयो । मृतकको शव अहिले प्रतिष्ठानमै राखिएको छ । मृतकको शव दाहसंस्कारका लागि महोत्तरी पठाउन व्यवस्थापन भैरहेको इलाका प्रहरी कार्यालय धरानका प्रहरी निरीक्षक हेमराज ओलीले जानकारी दिनुभएको छ ।
योसहित नेपालमा कोरोना सङ्क्रमणका कारण ज्यान गुमाउनेको संख्या ४१ पुगेको छ । स्वास्थ्य मन्त्रालयले भने यसको पुष्टि गर्न बाँकी छ ।
yatradaily
