वीरगन्ज, ३० चैत । वीरगञ्जमा तीन जना भारतीय नागरिकमा कोरोना संक्रमण पुष्टि भएको छ । स्वास्थ्य मन्त्रालयका एक अधिकारीका अनुसार राष्ट्रिय जनस्वास्थ्य प्रयोगशाला टेकुमा उनीहरुको नमुना परीक्षण गर्दा कोरोना संक्रमण पोजेटिभ देखिएको हो ।
वीरगञ्जबाट नमुना संकलन गरी हेटौंडास्थित प्रयोगशालामा परीक्षण गर्दा उनीहरुको रिपोर्ट पोजेटिभ आएको थियो । त्यसपछि पुनः जाँचका लागि राष्ट्रिय प्रयोगशालामा पठाइएको थियो ।
वीरगञ्जमा ३ जना भारतीय नागरिकमा काेराेना संक्रमण देखिएपछि साे स्थान सिलबन्दी गर्ने तयारी भइरहेकाे छ ।
वीरगञ्जस्थित छपकैया जामे मस्जिदबाट स्थानीय प्रशासनले नियन्त्रमा लिई नारायणी अस्पतालमा रहेका ३ जना भारतिय नागरिकमा काेराेना पाेजेटिभ देखिएकाे हाे । याे खबर बाहिरिएसँगै साे क्षेत्रलाई स्थानीय प्रशासनले सिल गर्ने तयारी थालेकाे हाे । उनीहरूमा काेराेना देखिएसँगै नारायणी अस्पतालकाे ओपिडी सेवा समेत बन्द गरिएकाे छ । संक्रमित भारतीय नागरिककाे अहिले साेही अस्पतालकाे अाइसाेलेसनमा उपचार भइरहेकाे छ ।
