वीरगञ्ज २७ श्रावन । पर्सा निर्वाचन क्षेत्र नं. १ का प्रतिनिधिसभा सदस्य प्रदीप यादव कोरोना सङ्क्रमणमुक्त भएका छन् ।
सांसद् यादवले मंगलबार आफ्नो आधिकारिक सामाजिक सञ्जाल फेसबुक ह्याण्डल मार्फत आफु कोरोना सङ्क्रमणमुक्त भएको जनाएका हुन् । विगत १२ दिनदेखि आइसोलेसनमा रहेका सांसद् यादवले दोस्रो पटक कोरोना परिक्षणका लागि श्रावन २६ गते सोमबार नारायणी अस्पतालमा आफ्नो स्वाब जम्मा गराएका थिए ।
अस्पतालको पिसिआर प्रयोशालाले मंगलबार उनको कोरोना रिपोर्ट नेगेटिभ आएको जनाएको छ । सांसद् यादव कोरोना सङ्क्रमणमुक्त भएका छन् ।
सामान्य ज्वरो र रुघाखोकी लागेपछि कोरोना सङ्क्रमणको शङ्का लागेर सांसद् यादवले आफ्नो परिक्षण गराउँडा श्रावन १६ गते उनमा कोरोना सङ्क्रमण पुष्टि भएको थियो । यादवले वीरगञ्ज महानगरपालिका वडा नं. १३ राधेमाईस्थित निजि निवासमै आफुलाई आइसोलेट गरेका थिए ।
जनता समाजवादी पार्टीका नेता समेत रहेका सांसद् यादवको स्वास्थ्य अवस्था सामान्य रहेको उनका स्वकीय सचिव निखिल बरनवालले जानकारी दिए । उनलाई केहि दिन अझै आराम गर्न चिकित्सकले सल्लहा दिएका छन् ।
