बीरगंज २० साउनसानो पाइला नामको गैर सरकारी समाजिक संस्थाले बीरगंजमा ४० बेडको आइसोलेशन संचालनमा ल्याएको छ । स्थानीय प्रशासनसंगको सबन्वयमा आइसोलेशन संचालनमा ल्याएको संस्थाका कार्यकारी प्रमुख कन्चन झाले बताउनु भयो ।
बीरगंजको कलवार धर्मशालामा आइसोलेशन वार्ड निर्माण गरिएको हो । बिश्वस्वास्थ्य संगठनले निर्धारण गरेको मापदण्ड अनुसारको आइसोलेशन केन्द्र निर्माण गरिएको हो ।
आजबाट संचालनमा आएको आइसोलेशन केन्द्र प्रहरीको निगरानीमा संचालन हुने छ । नारायणीअस्पताल, जिल्ला प्रशासन कार्यालय, र जिल्ला प्रहरीकार्यालयको प्रत्यक्ष निगरानीमा रहने आईसोलेसनकेन्द्रमा अंग्रपंक्तिमा रहेर कामगर्दै संक्रमित भएका प्रहरी र सेनाका जवानहरुलाई राखिने प्रवन्ध मिलाइएको छ।
त्यसैगरि सानोपाइलाले विश्व स्वास्थ्य संगठन (डब्लुएचओ)कोमान्यता र मापदण्ड अनुसारका खाद्यवस्तु प्रयोग गर्दै सोही कार्यविधी अनुसारको भोजन बनाउने छ। एउटा निश्चित स्थानमा भोजन पकाएर सुरक्षित रुपमा आइसोलेसनमा रहेकाहरु सम्म सानो पाइलाले पुर्याउने ब्यवस्था मिलाइएको सानो पाइलाले जारी गरेको बिज्ञप्तिमा उल्लेख छ।
सानो पाइलाको यो काममा सहायतानेपाल, बिडफोर नेपाल र बुढानिलकण्ठ स्कूल पूर्व विद्यार्थी समाज ले सघाएको छ । सरकारी संयन्त्र मात्रै एक्लैको प्रयासले यो महामारीपार लगाउन कठिन रहेको बेलामा समाजिक संस्थाहरुको तर्फबाट भएको यो पहल उत्कृष्ट रहेको छ । यस अघि पनि सानो पाइलाले जनकपुर र बीरगंजमा आइसोलेशनमा रहेका नागकिलाई खानाको ब्यवस्थाको गरेको थियो
simana
